१४ जेठ २०८१, सोमबार
27-05-2024 , Mon
×

यूएईमा ७५ वर्षयताकै उच्च वर्षा: सडकमा बाढी, घरभित्रै सुरक्षित बस्न आग्रह

Logo
एजेन्सी प्रकाशित बिहिबार, बैशाख ०६, २०८१

संयुक्त अरब इमिरेट्स (यूएई)मा ७५ वर्षयताकै उच्च वर्षा भएको छ । ‘खातम अल शक्ला’ क्षेत्रमा २ सय ५४ दशमलव ८ मिलिमिटर वर्षा भएको छ । सन् १९४९ मा डाटा सङ्कलन शुरु भएदेखि दस्तावेज गरिएको तथ्याङ्कलाई पार गर्ने गरी वर्षा मापन भएको त्यहाँको राष्ट्रिय मौसम केन्द्रले जनाएको छ । सडकमा बाढी आएको छ । केही सडक भत्किएका छन्  ।

भारी वर्षापछि राष्ट्रिय आपतकालीन सङ्कट र प्रकोप व्यवस्थापन प्राधिकरणले अत्यावश्यक अवस्थाबाहेक घर नछोड्न सचेत गराएको अन्तर्राष्ट्रिय सञ्चारमाध्यमले जनाएका छन् । सरकारी कर्मचारीलाई घरबाटै काम गर्न भनिएको छ । जलमग्न सडकमा गाडी चलाउँदा बिग्रिने जोखिम भएकाले गाडी तथा अन्य साधन जोखिम क्षेत्रबाट टाढा सुरक्षित ठाउँमा पार्क गर्न सुझाव दिइएको छ ।

कतिपयले आफ्नो गाडी बिग्रेको गुनासो गरेका छन् । कतै कतै बिजुली पनि कटौती भएको छ । कीर्तिमानी वर्षा जलवायु इतिहासमा असाधारण घटना भएको केन्द्रले जनाएको छ । प्रतिकूल मौसमको व्यवस्थापन गर्न कठिनाइ भैरहेको विपद् विज्ञले बताएका छन् ।

दुबईमा सडक यातायात र हवाई सेवासमेत अवरुद्ध भएको छ । यूएई र आसपासका देशमा हिजोदेखि नै भारी वर्षा भैरहेको छ ।

कमेन्ट गर्नुहोस्
सम्बन्धित

काठमाडौं । छत्तीसगढको राजधानी रायपुरमा सन् २०२० मा कोरोना भाइरसका कारण ज्यान गुमाएका तीन जनाको शवको एक हजार दिनपछि अन्तिम संस्कार गरिएको छ । राजधानीको बाबा साहेब भीमराव अम्बेडकर अस्पतालमा बेवारिसे अवस्थामा यी तीनै शव कंकालमा परिणत भएका थिए । प्रशासनिक अधिकारीहरूका अनुसार गत महिना रायपुरको एउटा अखबारले राज्यको सबैभन्दा ठूलो सरकारी अस्पतालमा हजार दिनभन्दा […]

काठमाडौं–  धनाढ्य एलोन मस्कले युट्युबसँग प्रतिस्पर्धा गर्न अर्को एप लन्च गर्ने भएका छन् । उनले ल्याउने नयाँ एपले युट्युबसँग उद्देश्यले नयाँ एप ल्याउन खोजेको अनुमान गरिएको छ । सो एपको नाम एक्स टीभी रहेको बताइएको छ । एक्स (पहिलेको ट्विटर) का सीईओ लिन्डाका अनुसार छिट्टै सो एप सार्वजनिक गरिँदै छ । उनले गत मंगलबार एप […]

एजेन्सी । शोले फिल्ममा बसन्तीका लागि वीरू पानीको ट्यांकीमा चढेको त सवैलाई यादै होला। तर, भारतको गोरखपुरमा ‘बसन्ती’ आफ्नो ‘वीरू’ का लागि बिजुलीको खम्वामा चढेकी छिन्। ती वसन्ती एक्लै होईन, विवाहित महिला र ३ छोराछोरीकी आमा हुन। उनले आफुसँगै आफनो प्रेमीलाई पनि सँगै राख्न पतिसँग सर्त राखेकी थिईन। तर, पतिले उनको प्रश्ताव अस्विकार गरेपछि उनी विजुलीको […]