०७ जेठ २०८१, सोमबार
20-05-2024 , Mon
×

विभिन्न स्थानमा भएको दुर्घटनामा परी तीनको मृत्यु

Logo
नमो संवाददाता प्रकाशित बिहिबार, बैशाख ०६, २०८१

तस्विर : नमो अनलाईन

विराटनगर । कोशी प्रदेशका विभिन्न स्थानमा भएको सडक दुर्घटनामा तीनजनाको ज्यान गएको कोशी प्रदेश ट्राफिक प्रहरी कार्यालयले जनाएको छ ।

ट्राफिक प्रहरीका अनुसार मोरङको विराटनगरमा भएको दुर्घटनामा एकजनाको ज्यान गएको छ । मृत्यु हुनेमा को.२६ प ९८५१ नम्बरका मोटरसाइकल चालक मोरङ विराटनगर महानगरपालिका–१४ का ४५ वर्षीय उत्तिमलाल यादव रहेका छन् । महानगरको १० नम्बर वडास्थित कोभिड अस्पतालछेउमा को.२ त ५५४६ नम्बरको इँटा लोड गरिएको ट्याक्टरले ठक्कर दिँदा मोटरसाइकल चालक यादव गम्भीर घाइते बन्न पुगेका थिए । टाउकोमा चोट लागेका उनलाई तत्कालै सप्तकोशी अस्पताल विराटनगरमा लाने क्रममा बाटोमै उनको मृत्यु भएको प्रहरीले जनाएको छ । तीव्र गतिका कारण दुर्घटना हुन पुगेको प्रहरीले जनाएको छ । प्रहरीले ट्याक्टर चालक मोरङ कटहरी गाउँपालिका–६ का ४० वर्षीय मनोज रामलाई केही समयपछि नियन्त्रणमा लिइएको छ । घटना मङ्गलबारको हो ।

यस्तै मोरङको पथरीशनिश्चरे नगरपालिका–१० डाँस खोलाको पुलमा मोटरसाइकलले पैदलयात्री सोही नगरपालिका–१० ऐयाबारीका ४१ वर्षीय बद्रिविक्रम श्रेष्ठको ज्यान गएको छ । ज.१० प ४०२८ नम्बरमो पल्सर मोटरसाइकलले पूर्व–पश्चिम राजमार्गमा पैदलयात्री श्रेष्ठलाई ठक्कर दिएको थियो । गम्भीर चोट लागेका उनलाई तत्कालै न्यूरो अस्पताल विराटनगरतर्फ लगे पनि चेकजाँचको क्रममा चिकित्सकले मृत घोषणा गरेका थिए । मोटरसाइकल चालक धनुषा मिथिला नगरपालिका–८ का २८ वर्षीय श्रीप्रसाद महतलाई इलाका प्रहरी कार्यालय पथरीले नियन्त्रणमा लिएको छ ।

साथै ओखलढुङ्गा चम्पादेवी गाउँपालिका–७ जोखरिया दुम्सेखोलास्थित भित्रीसडक–खण्डमा ट्याक्टर अनियन्त्रित भई सडकबाट तल झर्दा सवार एकजनाको ज्यान गएको छ । प्रहरीका अनुसार लु.३ त ९९७४ नम्बरको ट्याक्टर सडकबाट ५० मिटर तल झर्दा सिद्धिचरण नगरपालिका–७ का २१ वर्षीय फुर्तेम्बा शेर्पाको घटनास्थलमै मृत्यु भएको प्रहरीले जनाएको छ । ट्याक्टर चालक मोलुङ गाउँपालिका–२ का २५ वर्षीय अभन सुनुवारको टाउको र ढाडमा चोट लागेपछि तत्काल उपचारका लागि सामुदायिक मिसन अस्पताल ओखलढुङ्गा लगिएको छ । उनको अवस्था गम्भीर रहेको जनाइएको छ । चालकको लापरबाहीका कारणले दुर्घटना भएको प्रहरीले जनाएको छ ।

यस्तै झापाको मेची राजमार्गस्थित चारआली–भद्रपुर सडक–खण्डमा म्याजिक भ्यान र ट्याक्टर ठोक्किँदा पाँचजना घाइते भएका छन् । म्याजिक भ्यानमा सवार रहेका पाँचमध्ये एकजना गम्भीर रहेको प्रहरीले जनाएको छ । बुधबार दिउँसो ४ बजेतिर प्रदेश १–०१–००१ ज ३६५८ नम्बरको म्याजिक भ्यान र चन्द्रगढीतर्फ आइरहेको प्रदेश ०१–००१ त ९६४७ नम्बरको ट्याक्टर ठोक्किएको प्रहरीले जनाएको छ । घाइतेहरूलाई उपचारको लागि अस्पताल पठाइएको प्रहरीले जनाएको छ ।

कमेन्ट गर्नुहोस्
सम्बन्धित

विराटनगर । सशस्त्र प्रहरी बल, नेपालको प्रवक्ताको जिम्मेवारी सशस्त्र प्रहरी नायव महानिरीक्षक (डिआइजी) कुमार न्यौपानेलाई दिइएको छ। यसअघि प्रवक्ता रहेका सशस्त्र प्रहरी वरिष्ठ उपरीक्षक (एसएसपी) राजेन्द्र खड्काको सशस्त्र प्रहरी बल, नेपाल यू.एन. शान्ति स्थापना तालिम शिक्षालय ककनी नुवाकोटमा समादेशकको जिम्मेवारीमा सरुवा भएको छ। उनको सरूवा भएसँगै न्यौपानेलाई प्रवक्ताको जिम्मेवारी दिइएको हो। डिआइजी न्यौपाने यसअघि सशस्त्र […]

विराटनगर । जनकपुरबाट वीरगन्ज तर्फ आउँदै गरेको ना ४ ख ४१२४ नम्बरको यात्रुवाहक बस राजमार्गको उत्तरतर्फ दुर्घटना भएको छ । दुर्घटनामा बसमा सवार ३२ जना यात्रु घाइते भएको जिल्ला ट्राफिक प्रहरी कार्यालय चन्द्रनिगाहपुरका प्रमुख सुशील आचार्यले जानकारी दिए । दुर्घटनामा परेर सर्लाही बरहथवा–४ का अकल बहादुर विक, बरहथवा–५ का रुबी बेगम र उनको छोरा मोहम्मद […]

ताप्लेजुङ । मुलुकको प्रसिद्ध शक्तिपीठ पाथीभरमा एक महिनामा रु ६९ लाख ३२ हजार चार सय भेटी सङ्कलन भएको छ । वैशाखमा सङ्कलन भएको भेटी पाथीभरा क्षेत्र विकास समितिले बुधबार सार्वजनिक गरेको हो । समितिका कार्यकारी निर्देशक प्रजिन हाङबाङले  सङ्कलित भेटी  बैंक दाखिला गरिएको बताउनुभयो । समितिले मन्दिरमा चढाइएको भेटी हरेक महिना सार्वजनिक गर्दै आएको छ । […]