तस्विर : नमो अनलाईन
हरिनगर । प्राचीन हरिद्वार सुनसरीको चतरामा महाकुम्भको मेलामा भक्तजनहरुको आगमन दिनप्रतिदिन बढ्दै गएको छ ।
मेलामा हालसम्म १२ लाख भन्दा बढी भक्तजनहरु आएर स्नान गरेको आयोजकले जनाएको छ ।
नेपाल लगायत भारतबाट समेत कुम्भ स्नान गर्न आउने गरेका छन् । त्यहाँ आउने सर्वसाधारणहरुले कुम्भ मेलाको शुरुवात गरेर हरिद्वार पुण्यभूमिको प्रचारमा बालसन्तले खेलेको भूमिको प्रशंसा गरेका छन् ।
त्यहाँ आएका भक्तजनहरुले ओझेलमा कुम्भ मेलाको आयोजनाले नेपालको हेतिहासिक धार्मिक क्षेत्रको उजागर गर्न सहयोग पुगेका बताएका छन् ।
उनीहरुले नेपालको ऐतिहासिक क्षेत्रको पहिचान उजगार गर्ने काम बालसन्तबाट भएकोले उहाँलाई त्यहाँ आउने भक्तजनहरुले धन्यवाद समेत दिएका छन् ।
उनीहरुले यसको निरन्तरतासँगै यो मेलाले हरिद्वार क्षेत्रलाई अझ उचाईमा पु¥याउने बताएका छन् । झापाबाट कुम्भ मेला भर्न आएका ६२ बर्षीय खड्ग उप्रेतिले बालसन्तको अभियान राष्ट्रवादी भएको बताएका छन् ।
परिवारसहित कुम्भ मेलामा सप्तरीबाट पुगेका महेश साहका परिवारले समेत कुम्भ मेलाको प्रशंसा गरेका छन् ।
वितगमा भारतमात्र हुदै आएको कुम्भ मेला बालसन्तले नेपालमा समेत शुरु गरेको बताउदै यो मेला उपलब्धीमुलक भएको साह बताउँछन् ।
कुम्भ मेलामा स्नान गर्नेहरु ज्येष्ठ नागरिकसँगै युवा पुस्ताको समेत उल्लेख्य उपस्थिति रहेको थियो ।
त्यहाँ आएकाहरु उत्साहित देखिएका थिए । चतरामा पहिलो पटक कुम्भ मेलामा आएका डम्बरबहादुर कार्कीले उत्साहित भएर भजनमार्फत नै आफ्नो परिचय दिँदै कुम्भ मेलामा आउन पाउदा धन्य भएको बताउनु बताएका थिए ।
यता जगद्गुरु बालसन्त मोहनशरण देवाचार्यले आफूले कुम्भ मेलाको शुरुवात गरेको भन्दा पनि नेपाल आमालाई सम्झेर कुम्भ मेलामा लाखौ लाख भक्तजनहरु स्नान गर्न आएकोप्रति आफूलाई गर्भ लागेको बताए ।
उनले यहाँ आएर लाखौले कुम्भ स्नान गर्ने भएकोले यो मेलाले बराहक्षेत्रको चतरामात्र हैन कोशी प्रदेशका सबै ठाउँ चलायमान भएको बताए ।
चैत्र ३० गतेदेखि शुरु भएको १२ बर्षे पूर्ण पिण्डेश्वर महाकुम्भ मेलामा आएकाहरु पहिलो कुम्भ मेला, अर्ध कुम्भ मेलामा समेत आएका र दोस्रो महाकुम्भ मेलामा सहभागी भएकाहरु थिए भने कतिपय सर्वसाधारण कुम्भ भेलामा स्नान गरेर पुण्य कमाउन पहिलो पटक आएकाहरु समेत थिए ।
यहाँ आएका सर्वसाधारण स्नानपछि सप्तकोशीबाट जल ल्याएर धरान १४ विजयपुरमा रहेका पिण्डेश्वरको मन्दिरमा जल चढाउने सर्वसाधारण समेत उल्लेख्य रुपमा रहेका थिए ।
सनातन धर्मालम्बीहरुलाई भक्तिभावसँगै कुम्भमेलामार्फत संसारभर नेपाललाई परिचित गराउने राष्ट्रभावबाट ओतपोत बालसन्तप्रति उहाँको कामप्रति सबै उत्साहित भएको मेलामा आउनेबाट प्रष्ट भान हुन्थ्यो ।
