तस्विर : नमो अनलाईन
इनरुवा । सुनसरीमा एकपछि अर्को स्थानमा लागु औषध खैरो हिरोईन सहित मानिस पक्राउ पर्ने क्रम जारी रहेको छ ।
प्रतिबन्धीत लागु औषध खैरो हिरोईन सहित दुई जनालाई प्रहरीले पक्राउ गरेको हो । जिल्ला प्रहरी कार्यालय सुनसरीले दिएको जानकारी अनुसार सीमावर्ती भोक्राहा नरसिंह गाउँपालिका वडा नं. ६ ढलान रोडबाटो हुदैं को. ३१ प. ७४०५ नंम्बरको मोटरसाईकलमा रहेको ईटहरी उपमहानगरपालिका वडा नं. ९ का २४ वर्षिय आकाश थापा र मोटरसाईकलमा पछाडी सवार धनकुटाको महालक्ष्मी नगरपालिका वडा नं. ५ का २४ वर्षिय बिकास तामाङलाई पक्राउ गरेको हो ।
मोटरसाईकलमा अबैध लागू औषध लादैं छ भन्ने गोप्य सूचनाको आधारमा कोशी प्रदेश प्रहरी कार्यालय बिराटनगर तथा ईलाका प्रहरी कार्यालय लौकही सुनसरीबाट संयुक्त रूपमा खटिएका प्रहरी अधिकृतको टोलीले उनीहरुलाई पक्राउ गरेको हो ।
दुवैलाई कानूनी रूपमा चेकजाँच गर्दा उनिहरुले लगाएको ट्राउजरको अगाडीको दाहिने गोजिबाट प्लाष्टिक भित्र लुकाई राखेको १६.०४ ग्राम (सोह्र ग्राम चालिस मिलिग्राम) खैरो हिरोईन र उक्त मोटरसाईकल सहित दुवैलाई पक्राउ गरीएको प्रहरी नायव उपरीक्षक नवीनकृष्ण भण्डारीले जानकारी दिनुभयो । भण्डारीका अनुसार सुनसरी जिल्ला अदालतमा दुवैलाई प्रस्तुत गरि सात दिनको म्याद थप अनुमति लिई थप अनुसन्धान कार्य भईरहेको छ । यसअघि पनि इटहरी र इनरुवाबाट लागु औषध खैरो हिरोईन सहित मानिस पक्राउ परेका थिए ।
