तस्विर : नमो अनलाईन
देवानगञ्ज । नेपाल प्रहरीले बुधवार साँझ देवानगञ्जबाट ९७ किलोग्राम गाँजा बरामद गरेको छ ।
बा ८ च १२५५ नम्बरको कारको पछाडीको डिकिमा लुकाई छिपाइ भारत लैजान लागेको अवस्थामा देवानगञ्ज गाउँपालिकाका वडा नं. – २ देवानगञ्ज बजार भन्दा पुर्व मेहता टोलबाट उक्त गाँजा बरामद गरिएको इलका प्रहरी कार्यालय देवानगञ्जले जनाएको छ ।
इलका प्रहरी कार्यालय देवानगञ्जका प्रमुख महेश भट्टराईको नेतृत्वमा खटिएको प्रहरी टोलीले विशेष सूचनाको आधारमा खोजिकार्य गरी रहदा उक्त स्थानमा रोकि राखेको कारको डिकिबाट गाँजा बरामद गरिएको जनाईएको छ ।
इलका प्रहरी कार्यालय देवानगञ्जले दिएको जानकारी अनुसार “विशेष सुचनाको आधारमा हामी खोजि कार्य गरि रहेका थियों” “त्यतिकै मा देवानगञ्ज बजार भन्दा पुर्वको बाटोमा उत्तर तर्फबाट दक्षिण तिर तिब्र गतिमा कार गरिरहेको जानकारी प्राप्त भयो”। “हामी त्यहाँ पुग्दा सम्म कार चालक कार छोडेर भागि सकेको थियो” । कारको चेकजाँच गर्दा डिकिमा उक्त गाँजा फेला पारेका हौं।” “उक्त गाँजा कस्को हो।” कहाँबाट ल्याईएको भन्ने कुरा अनुसंधानबाट खुल्ने जनाईएको छ ।
पछिल्लो समय देवानगञ्ज गाउँपालिकाको बिभिन्न स्थानबाट ठुलो परिणाममा गाँजा बरामद गरिएको छ ।
