०३ आषाढ २०८१, आइतबार
16-06-2024 , Sun
×

मधेशी आयोगको अपारदर्शि रुपमा लोक सेवा तयारी कक्षा

Logo
देवराज यादव प्रकाशित आइतबार, जेठ १३, २०८१

इनरुवा । सुनसरी सदुरमुकाम इनरुवास्थित श्री सरस्वती माध्यमिक विद्यालय इनरुवा ९ बबियामा लोकसेवा तयारी कक्षा सम्पन्न भएको छ । मधेशी आयोगले मधेसी युवायुवतीहरुलाई लोक सेवा आयोगको तयारीका लागि लोक सेवा कक्षा सञ्चालन गरेका हुन ।

विद्यालयमा अध्ययनरत कक्षा १० का छात्रछात्राहरुको सहभागितामा कार्यक्रम सम्पन्न गरेको आयोजकले जनाएको छ । मधेशी समुदायको सशक्तिकरण अन्तर्गत लोकसेवा तयारी कक्षा सञ्चालन २०८१ नामक व्यानरमा लक्षित वर्ग भन्दा गैरलक्षित वर्गको सहभागिता कार्यक्रम सम्पन्न गरेको स्थानीयको भनाई रहेको छ ।

विद्यालयका जेठ ८ गते करिब ११ बजे आयोगका केही पदाधिकारी तथा कर्मचारीहरु विद्यालय सञ्चालन भईरहेको समयमा आएका थिए । आयोगका कर्मचारीले विद्यालयका निप्रअ तेजनारायण यादवसगँ जेठ ९ गते उक्त कार्यक्रम गर्ने पत्र दिएका थिए । निप्रअ यादव र नीजका समर्थित केही शिक्षकहरुले विव्यस तथा शिक्षक स्टाफको बैठक विना कार्यक्रम गर्ने अनुमती प्रदान गरेका थिए ।

विद्यालयको लेटरप्याडमा सुनसरी जिल्लाका जिल्ला समन्वय समिति र नगरपालिकालाई निमन्त्रणा पत्र पठाएका थिए । कार्यक्रम १८ घण्टामा नै तय गरी विद्यालयका एक शिक्षकले शाकाहारी र मांसाहारी नास्ता, खाना, चिया, पानी तथा अन्य व्यवस्थापकिय कार्य गरि दिन आयोगका कर्मचारीसगँ केही रकम पेश्की लिएका थिए ।

आयोजकले गर्नुु पर्ने सम्पुर्ण कार्यको जिम्मा विद्यालयले लिएका थिए । विद्यालयका निप्रअ तेजनारायण यादव आफ्नो क्षेत्राधिकार लत्याउँदै विद्यालयको खाजा कार्यक्रमका सम्पूूर्ण सामग्री खाना र खाजाका लागि दुरुपयोग गरेका थिए । होटलबाट चिया, नास्ता, खाना र पानीको व्यवस्था गरी होटलको प्यान र भ्याट विल पेश गर्नुु पर्ने कानुुनी व्यवस्था छ । खाना मेसबाट खुुवाई बिल होटलको उपलब्ध गराएको स्रोतको भनाइ रहेको छ । विद्यालयमा २०८० सालमा एसईई परीक्षा दिई बसेका केही विद्यार्थीलाई खाना पकाउन बोलाएका थिए । तिनीहरुलाई थोरै रकम दिएका थिए ।

विद्यालयमा केही तल्लो कक्षामा अध्ययनरत छात्राहरुलाई फोहोर सफा र भाडा मस्काउँन लगाएका थिए । विद्यालयमा जेठ ९ गते फिल्डमाासरकारी गाडी र किचेनको भोजभतेर कार्यक्रमले विहान १० पढन आएका विद्यार्थीहरुलाई नकारात्मक असर परेका थिए । अतिथि बनी कार्यक्रम हलमा बसेका केही निप्रअ समर्थित शिक्षकहरुले गर्दा नियमित अध्ययनअध्यापनका कार्य समेत अवरोध भएका थिए । खाना किचेन कोठामा सहभागीहरुलाई खाना खुवाउँदा आधारभूूत तहका कलिला बालबालिकाहरु भोज भएको हामीलाई खान नदिएको गुनासो गरिरहेका थिए । निप्रअ यादवलाई सरकारी सम्पती दुरुपयोग तथा गैरजिम्मेवार कार्य गरेको विषयमा छनविन गरी सचेतको कारवाही नगरे विद्यालय भोजनालयमा परिणत हुने र खाजा कार्यक्रम दुरुपयोग हुने स्रोतको दावी छ ।

खाजा कार्यक्रमका बालबालिकाहरुलाई वचेका भात र दाल मात्र खुुवाएका थिए । विद्यालयलाई शान्ति क्षेत्र भनिए पनि विद्यालय सञ्चालन भई रहेकै अवस्थामा तड्कभड्क किसिमको कार्यक्रम गर्दा सकारात्मक भन्दा नकारात्मक प्रभाव पर्ने गरेको जानकारहरु बताउछन् । त्यस किसिमको कार्यक्रम विद्यालय विदा भएको दिनमा गदा राम्रो त्यस विद्यालयमा अध्ययापनरत शिक्षकहरुका भनाइ रहेका छन् ।

मधेशी आयोग जस्तो गरिमा तथा मधेशीका आशा र भरोसा बोकेको निकायले यसरी हचुवा र अपारदर्शी तरिकाले गैरलक्षित वर्गलाई भेला गरेर लक्षित वर्गका युवाहरुको महिनौ कार्यक्रम घण्टामा नै सकाउने परिपाटीलाई अन्त्यको लागि स्थानीयहरुले माग गरेका छन् । कार्यक्रमको संयोजन आयोगकी रेण शाहले गरेका थिए । यता आयोगकी सदस्य रेण शाहले विद्यालयलाई १५ हजार रुपियाँ व्यवस्थापन खर्च गर्न दिएको प्रतिकृया दिनुभयो । कार्यक्रम गरेको तर कक्षा १० को विधार्थीलाई लोक सेवा आयोग कक्षा दिएको बारेमा अकमकिएर प्रतिकृया दिनुुहुदै कक्षा ११ , १२ को परीक्षा भएकाले कक्षा १० को विधार्थीलाई लोक सेवा आयोग कक्षा दिएको दावी गर्नुभयो । स्थानीयले भने आयोगको कार्यक्रम प्रति प्रश्न उठाउदै छानविनको माग गरेका छन् ।

विद्यालयका निप्रअ यादवले भने कुनै पनि बालबालिकाहरुको दुरुयोग नगरेको र विद्यालयको ग्यास समेत प्रयोग नगरेको प्रतिकृया दिनुभयो । तर विधार्थीहरुले भने पढाई प्रभावित पार्ने गरि फोहोर सरसफाई गर्न लगाएको गुनासो गरेका छन् । विद्यालय व्यवस्थापन समितिका जयकृष्ण यादवले समेत विद्यालयमा कार्यक्रम भएको विषयमा अनविज्ञता जनाउनुभएको छ ।

कमेन्ट गर्नुहोस्
सम्बन्धित

देवानगञ्ज । सुनसरीको देवानगञ्ज गाउँपालिकामा कम्पनी रजिस्ट्रार कार्यालय इटहरी, सुनसरीबाट सरूवा भई आउनु भएको प्रमुख प्रशासकीय अधिकृत सुधिर साफीलाई गाउँपालिका परिवारले स्वागत गरेका छन् । नेपाल सरकार, सङ्घीय मामिला तथा सामान्य प्रशासन मन्त्रालय, सिंहदरवार काठमाण्डौबाट स्थानीय सरकार सञ्चालन ऐन, २०७४ को दफा ८४ को उपदफा ४ अनुसार देवानगञ्ज गाउँपालिका, गाउँकार्यपालिकाको कार्यालय देवानगञ्जको प्रमुख प्रशासकीय अधिकृतको […]

विराटनगर । समाजसेवामा सक्रिय अभिषेक गिरीले स्थापना गरेको गिरी फाउन्डेसनले मोरङको कटहरी गाउँपालिकास्थित एक विद्यालयलाई शैक्षिक र खेलकुद सामग्री वितरण गरेको छ । फाउन्डेसनका अध्यक्ष अभिषेक गिरीले बुधबार कटहरी (४ खयरवनस्थित श्री आधारभूत विद्यालयलाई शैक्षिक र खेलकुद सामग्री वितरण गरेका हुन् । उक्त विद्यालयलाई ६० हजार रकम बराबरको कापी (कलम, ह्वाइट बोर्डलगायत शैक्षिक सामग्री र […]

इनरुवा । सामुदायिक विद्यालय सुधार अभियानका लागि अनुगमन प्रभावकारी गर्न लागेको कोशी गाउँपालिकाका अध्यक्ष ऐयुब अन्सारीले बताउनुभएको छ । कोशी गाउँक्षेत्रको शिक्षा सुधारमा आफू लागि परेको र शिक्षालाई मजाक बनाउनेलाई छुट नगर्ने बताउनुभयो । कोशी गाउँपालिका अन्तर्गतका सामुदायिक तथा धार्मिक बिद्यालयको अनुगमन तथा मूल्यांकन बारे जानकारी गराउने उद्देश्यले आयोजना गरिएको कार्यक्रमलाई सम्बोधन गर्नुहुदै उहाँले गाउँपालिकामा […]