तस्विर : नमो अनलाईन
धरान । सुनसरी स्थित धरान उपमहानगरपालिकाबाट अबैध लागू औषध सहित दुई जनालाई इलाका प्रहरी कार्यालय धरानबाट खटिएको प्रहरी टोलीले पक्राउ परेको छ ।
विशेष सूचनाको आधारमा मंगलवार बेलुकी ७ : ३० बजेको समयमा इलाका प्रहरी कार्यालय धरानबाट खटिएको प्रहरी टोलीले धरान उपमहानगरपालिका वडा नं. १७ स्थित एडिबि खानेपानी ट्याङ्की छेउमा बराहक्षेत्र नगरपालिका वडा नं. ५ बिशाल चोकबाट धरान तर्फ जादैँ गरेको प्र.०१-०२-०४१ प. ७८२० नं. को मोटरसाईकललाई चेकजाँच गर्दा ESKUF-५ बोतल, ट्रामाडोल ४००० (चार हजार) क्याप्सुल र स्पास्मोफोक्सिभन- ७२० (सात सय बिस) क्याप्सुल तथा मोटर साईकल सहित कोशी गाउँपालिका वडा नं. ५ कुमयाही बस्ने बर्ष २२ को अमानुल्ला मियाँ र सोहि ठाउँ बस्ने बर्ष २० को सोहेल अमत पक्राउ परेको हो ।
त्यस्तै धरान उपमहानगरपालिका वडा नं. ०९ बस्ने बर्ष ३३ को आस्मा श्रेष्ठ खातुन समेत पक्राउ परेकी छिन् । आफनै कोठामा लुकाई छुपाई अबैध लागू औषध राखेको भन्ने बिशेष सूचनाको आधारमा इलाका प्रहरी कार्यालय धरानबाट खटिएको टोलीले कोठा चेकजाँच गर्दा ट्रामाडोल २००० (दुई हजार) क्याप्सुल, स्पास्मो – ३००० (तिन हजार) क्याप्सुल र Spasmo-Proxyvon Plus – ५९८ (पांच सय अन्ठानब्बे) क्याप्सुल लागू औषध सहित उनलाई पक्राउ परेको जिल्ला प्रहरी कार्यलय सुनसरीका प्रवक्ता नविन कृष्ण भण्डारीले जानकारी दिएका छन् ।
प्रकाउ परेकाहरु माथि थप अनुसन्धान गरिरहेको प्रहरीले जनाएको छ ।
