जुगेस दास/नमो अनलाईन
देवानगञ्ज । सुनसरीकाे देवानगञ्ज गाउँपालिका देखि सुनसरीको सदरमुकाम जाेड्ने मुख्य सडककाे अवस्था जीर्ण हुँदा आवतजावतमा सास्ती खेप्नुपरेको छ । वर्षाै देखि सडक जीर्ण अवस्थामा रहेपनि सम्बन्धित निकायले चासो नलिएको कारण सडकको अवस्था जीर्ण भएको हो।
दैनिक कामकाजकाे लागि आवतजावत गर्ने सर्वसाधारणहरुलाई सास्ती खेप्नु परिरहेको भएपनि स्थानीय सरकारले कुनै चासो नदिएको देखिएको छ । स्थानीय सरकारले सडकको स्नतरउन्नतीमा ध्यान न दिदा विद्यार्थी, किसान साथै सर्वसाधारणहरुलाई आवतजावतमा समस्या भइरहेको छ ।
वर्षाै पुरानो सडक भएकोले कालोपत्रे उपकिएको छ जस्कारण सडकमा गाडी चलाउन निकै चुनाैती पुर्ण भएको सर्वसाधारणहरुको भनाइ छ । नागरिकलाई सास्ती खेप्नु पर्दा समेत तिनै तहका सरकार गैरजिम्मेवार र लाचार रहेको देखिएको छ । जनताकाे हकहितका लागि काम गर्न निर्वाचित भएका जनप्रतिनिधिहरू कमाउधन्धामा लिप्त भएकोले विकास निर्माणको काम ठप्प रहेको स्थानीयहरु बताउँछन् ।
विगतमा काङ्ग्रेसबाट सिताराम मेहताले पटक-पटक चुनाव जितेपनि विकास निर्माणको काममा सकारात्मक भुमिका खेल्न नसकेका कारण यस पटक भने विकल्पमा एमालेका उम्मेदवार भीम आचार्यलाई निर्वाचित गराएका छन् । विकासले फन्को मार्ने आसाले प्रदेश र केन्द्रमा बिकल्पको रुपमा एमालेका उम्मेदवारलाई निर्वाचित गराए पनि जितेर गए पछि उदासिन देखिएको स्थानीयहरु अहिले गुनासो पोख्दै रुष्ट बनेका छन् ।
काङ्ग्रेसको विकल्पमा एमाले खोजेको स्थानीयहरुले एमालेबाट पनि विकास सम्भव नरहेको गुणासो पोखि रहेका छन् । यस क्षेत्रमा एमालेबाट केन्द्रमा भिम अचार्य सांसद छन् भने प्रदेश सभा सदस्यमा राप्रसाद मेहता निर्वाचित भएका छन् तर जितेर गएपनि नेताहरूले आफ्नो जीवन सुखमय बनाउन मात्र कार्य गरेकोले जनतालाई सास्ती खेप्नु परिरहेको नाम उल्लेख न गर्ने सर्तमा एक स्थानीयले बताएका छन् ।
गत निर्वाचनमा सोही सडककाे एजेण्डा लिएर भाेट मागेका अचार्य र मेहता यतिवेला यस सडकको बारेमा कुनै पनि चासाे नदिएको कारण स्थानीयहरु आक्रोशित बनेका छन् ।
चुनावमा विजयी हुन र सांसद, मन्त्री बन्न यस क्षेत्रका जनतालाई मात्र प्रयाेग गर्ने र विकासकाे नाममा जनतालाई ठग्ने बाहेक अरू केहि नगरेकाे स्थानीयहरु निराश भएका छन् ।
तत्काल बाटाे मर्मत गरेर भएपनि जनताकाे जीवन यापन सहज गर्न सरकार अग्रसर हुनुपर्ने स्थानीय युवाहरुको भनाइ रहेको छ ।
