०३ आषाढ २०८१, आइतबार
16-06-2024 , Sun
×

टेस्ट ड्राइभ गर्ने भन्दै ब्लुबुक सहित बाईक लिएर भाग्ने युवक पक्राउ

Logo
नमो संवाददाता प्रकाशित बिहिबार, जेठ २४, २०८१

काठमाडौं । बिक्री गर्न फेसबुक मार्केटप्लेसमा राखेको बाइक टेस्ट ड्राइभ गर्ने भन्दै चोरेर भाग्ने व्यक्ति पक्राउ परेका छन् । प्रहरी प्रभाग कोटेश्वरबाट खटिएको प्रहरी टोलीले मङ्गलबार दिउँसो ६ बजेतिर उनलाई काठमाडौंस्थित मनोहराबाट पक्राउ गरेको हो ।

पक्राउ पर्नेमा भक्तपुर नगरपालिका वडा नम्बर ६ बस्ने २१ वर्षीय आयुष कोन्डा रहेका छन् । प्रहरीका अनुसार आरोपी कोन्डाले फेसबुक मार्केटप्लेसमा बिक्रीका लागि राखिएको बाइक खरिद गर्ने भन्दै सवारी धनीलाई विश्वस्त बनाएका थिए । त्यसपछि २२ जेठमा बाइक ल्याएर कोटेश्वर आकाशे पुलमा आउन अनुरोध गरे । बाइक आएपछि ब्लुबुक मागे । यसपछि चेक निकालेर बाइक बिक्री गर्न खोज्ने सवारीधनीको नाम लेख्न खोज्दै थिए ।

“कलिलै उमेरको केटाले बाइकबारे केही नबुझी सोझै चेक काट्न खोजेपछि सवारीधनीले ‘भाइ पहिले बाइक कस्तो छ, बुझ अनि चेक देऊ’ भन्नु भएछ,” टेकपानासँग कुरा गर्दै प्रहरी प्रभाग कोटेश्वरका अनुसन्धान अधिकृतले भने, “बाइक टेस्ट ड्राइभ गर्ने भनेर ती युवक गायब भएका रहेछन् ।”

यसपछि कोन्डाले उक्त बाइक एक रिकन्डिसन पसलमा आफ्नो भन्दै ९० हजार रुपैयाँमा बिक्री गरेका थिए । बाइक खरिद गर्ने भन्दै ९० हजार तिर्ने पीडित र सवारीधनीले उजुरी दिएपछि प्रहरीले अनुसन्धान प्रक्रिया बढाएको थियो ।

अनुसन्धान अधिकारीका अनुसार ती युवकले यसअघि पनि दुई/तीन ओटा बाइक त्यसरी नै फुत्काउन खोजेका थिए । तर, सफल भएका थिएनन् ।

उनी आफैंले बाइक चोरेका हुन् वा कसैले उनलाई चोरी गर्न लगाएको हो भन्ने विषयमा अनुसन्धान भइरहेको प्रहरीले जनाएको छ ।

कमेन्ट गर्नुहोस्
सम्बन्धित

काठमाडौं । १ बैशाख २०८१ को मिति । नयाँ वर्षको दिन । घरमा माहोल रमाइलो थियो । एकाबिहानै ३२ वर्षीय रोशन सिंह (नाम परिवर्तन) को ह्वाट्सएपमा आफ्नै बहिनीको नग्न फोटो तथा भिडिओ आयो । रोशन आफ्नो फोन घरमै छोडेर नियमित काममा गएका थिए । उक्त फोनमा परिवारका अन्य सदस्यको पनि पहुँच थियो । रोशन पेसाले […]

इनरुवा । सुनसरीको भाेक्राहा नरसिंह गाउँपालिकामा प्रथम महिला खाे-खाे प्रतियोगिता हुने भएको छ । भाेक्राहा नरसिंह गाउँपालिका चिराैली सुनसरीको सहयोग तथा प्रदेश स्तरीय खाे-खाे खेलकुद उपभोक्ता समितिको आयोजना र जिल्ला खाे-खाे संघ सुनसरीको सहकार्यमा उपाध्यक्ष प्रथम महिला आमन्त्रण राष्ट्रिय खाे-खाे प्रतियोगिता आयाेजना हुने भएको हाे । प्रतियोगिता जेठ २९ गतेदेखि ३१ गते सम्म संचालन हुने […]

झापा  । कोशी प्रदेश स्थित बी एन्ड सी मेडिकल कलेजले अन्ततः सम्बन्धन पाउने भएको छ । सर्वोच्च अदालतले बिहीबार चिकित्सा शिक्षा आयोग र काठमाडौं विश्वविद्यालयको नाममा परमादेश जारी गरेसँगै सम्बन्धन पाउने भएको हो । न्यायाधीशद्वय डा. कुमार चुँडाल र सारंगा सुवेदीको संयुक्त इजलासले १५ दिनभित्र सम्बन्धन दिन परमादेश जारी गरेका हुन् । सर्वोच्चले यसअघि १२ चैत, २०८० मा […]