तस्विर : नमो अनलाईन
इनरुवा । सुनसरीको भाेक्राहा नरसिंह गाउँपालिकामा प्रथम महिला खाे-खाे प्रतियोगिता हुने भएको छ ।
भाेक्राहा नरसिंह गाउँपालिका चिराैली सुनसरीको सहयोग तथा प्रदेश स्तरीय खाे-खाे खेलकुद उपभोक्ता समितिको आयोजना र जिल्ला खाे-खाे संघ सुनसरीको सहकार्यमा उपाध्यक्ष प्रथम महिला आमन्त्रण राष्ट्रिय खाे-खाे प्रतियोगिता आयाेजना हुने भएको हाे । प्रतियोगिता जेठ २९ गतेदेखि ३१ गते सम्म संचालन हुने भएको छ ।
नेपालमै पहिलोपटक भाेक्राहा नरसिंह गाउँपालिका सुनसरीकाे सहयोग तथा प्रदेश स्तरीय महिला खाे-खाे प्रतियोगिता समितिको आयाेजनामा हुन लागिएको उपाध्यक्ष प्रथम महिला आमन्त्रण राष्ट्रिय खाे-खाे प्रतियोगितामा राष्ट्रिय खाे-खाे खेलाडीको सहभागिता हुने आयाेजकले जनाइएको छ ।
आयाेजकले दिएको जानकारीअनुसार उपाध्यक्ष प्रथम महिला आमन्त्रण राष्ट्रिय खाे-खाे प्रतियोगितालाई थप आकर्षक बनाउनका लागि त्रिभुवन आर्मी क्लब काठमाडौं सहित माेरंग, धनकुटा, धनुषा, सर्लाही , बारा, सुनसरी लगायतका टीमकाे सहभागी हुने आयाेजक समितिका अध्यक्ष बिरेन्द्र यादवले जानकारी दिए ।
लिग कम नकआउटको आधारमा हुने प्रतियोगितामा ६ जिल्ला र विभागीय टीम त्रिभुवन आर्मी क्लब गरि माेरंग, धनकुटा, धनुषा, सर्लाही , बारा, सुनसरी लगायतका ७ वटा टीम बीच कडा प्रतिस्पर्धा हुनेछ । यस प्रतियोगितामा राष्ट्रिय तथा अन्तर्राष्ट्रिय निर्णायक पनि संलग्न हुनेछन्।
प्रतियागिताको विजेताले ट्रफी,मेडल र प्रमाणपत्र सहित २५ हजार रुपैयाँ प्राप्त गर्नेछ । यसैगरी उपविजेता टोलीले १५ हजार र तेस्रो हुने टोलीले ५ हजार १ रुपैयाँ प्राप्त गर्नेछन्।
प्रतियोगिताका सर्वश्रेष्ठ चेजर र रनरलाई पनि जनही दस हजार रुपैयाँले पुरस्कृत गरिनेछ। सुनसरी जिल्ला खो खो संघका अध्यक्ष तथा खाे-खाे संघ काेशी प्रदेशका सचिव कपिलदेव यादवले मङ्गलबार पहिलो पटक उमेर समूहको खो खो प्रतियोगिता आयोजना हुन लागेको जानकारी दिएका थिए।
नेपालमा खो खो खेलको स्थापना वि.सं.२०५२ सालमा भएको हो । यसअघि राष्ट्रिय र अन्तर्राष्ट्रिय स्तरको प्रतियोगिता आयोजना गरिएपनि सुनसरीको भाेक्राहा नरसिंह गाउँपालिकाले उपाध्यक्ष प्रथम महिला आमन्त्रण राष्ट्रिय खाे-खाे प्रतियोगिता पहिलोपटक आयोजना गर्न लागिएको हो ।
