तस्विर : नमो अनलाईन
हरिनगर । सुनसरीको सिमावर्ती क्षेत्र हरिनगर गाउँपालिकाको १७ औं गाउँसभा अधिवेशन शुरु भएको छ ।
आर्थिक बर्ष २०८१।०८२ को निति तथा कार्यक्रम र वार्षिक बजेट पेश गरी गाउँसभा अधिवेशन सुरु भएको हो ।
हरिनगर गाउँपालिकाका अध्यक्ष गफार अन्सारीको सभाध्यक्षतामा सुरु भएको १७ औं गाउँसभा अधिवेशनमा पालिकाकी उपाध्यक्ष रिमझिम कुमारी भगतले आर्थिक बर्ष २०८१।०८२ को नीति तथा कार्यक्रम र वार्षिक बजेट प्रस्तुत गर्नु भएको थियो ।
आर्थिक बर्ष २०८१।०८२ को वार्षिक बजेटमा रु. ५२ करोड ८५ लाख २४ हजार आय प्रस्ताव गरिएको छ । संघिय सरकार वित्तिय समानिकरण तर्फ रु. १२ करोड ६७ लाख, सशर्त अनुदान तर्फ २३ करोड ९० लाख ५५ हजार, समपुरक अनुदान तर्फ १ करोड १० लाख, राजश्व बाँडफाँड तर्फ रु. १० करोड ६४ लाख, प्रदेश सरकार वित्तिय समानिकरण अनुदान तर्फ रु. ७९ लाख ४८ हजार, सर्शत अनुदान रु. ३९ लाख ३३ हजार , राजश्व बाँडफाँड सवारी कर रु. ४४ लाख ८८ हजार , घर जग्गा रजिष्टेशन रु. ८० लाख, समपुरक अनुदान रु. १ करोड तथा गाउँपालिकाको आन्तरिक श्रोत तर्फ विभिन्न कर दस्तुर र अल्या समेत गरी रु. १ करोड, बेरुजु पर्छयौटबाट प्राप्त हुने रकमरु. १० लाख सहित रु. ५२ करोड ८५ लाख २४ हजार आय प्रस्ताव गरिएको छ । आर्थिक बर्ष ०८१।०८२ को व्यय तर्फ चालु खर्चमा रु. ३५ करोड ३० लाख २४ हजार र पुँजिगत तर्फ रु. १७ करोड ५५ लाख गरी कुल जम्मा रु. ५२ करोड ८५ लाख २४ हजार व्यय प्रस्ताव गरेको छ ।
सुनसरी क्षेत्र नं. ४ ख का प्रदेश साँसद इसराइल मन्सुरीको प्रमुख आथित्यमा शुरु भएको सो गाउँसभा अधिवेशनमा छिमेकी पालिका भोक्राहा नरसिंह गाउँपालिकाका अध्यक्ष अजमल अख्तर मियाँ , कोशी गाउँपालिकाका अध्यक्ष अयुब अन्सारी समेतको अतिथिको रुपमा उपस्थिति रहेको थियो ।
