तस्विर : नमो अनलाईन
हरिनगर । सुनसरीको सिमावर्ती क्षेत्र हरिनगर गाउँपालिकाबाट नक्कली नागरिक्ता बनाउने आरोपमा १ जनालाई प्रहरीले पक्राउ गरेको छ ।
हरिनगर गाउँपालिका वडा नं. – ६ घर भएका अन्दाजी २८ वर्षीय समिम अन्सारीलाई नक्कली नागरिकता बनाएको आरोपमा पक्राउ गरेको हो।
आइतवार विशेष सूचनाको आधारमा जिल्ला प्रहरी कार्यालय सुनसरीबाट खटेको प्रहरी टोलिले नक्कली नागरिकता बनाउने अन्सारीलाई पक्राउ गरेको प्रहरीले जनाएकाे छ।
अंसारी माथि हरिनगर गाउँपालिका वडा नं. ६ नै बस्ने रमजान मियाको वृद्धभत्ताका लागि उमेर घटाई नक्कली नागरिकता बनाउने आरोप छ। अंसारीले मियाको एलानी जग्गालाई निजी बनाई दिने आसवासन दिदै १ लाख ८० हजार नगद समेत लिएको थियो ।
प्रहरीले घुस्की बजारमा रहेको अन्सारीको पसलमा छापा हान्दा ४८ थान जन्म दर्ता, ५ थान नागरिकता र ५ थान विभिन्न सरकारी कार्यलयका स्टाम्प, कम्प्युटर र फ्रेम लगायत सरकारी कार्यलयका कागजातहरु बरामद गरेकाे छ।
यस अघि अंसारी अटुट सहकारी संस्थाको ७५ लाख हिनामिना गरेको आरोपमा पक्राउ परेका थिए । पछि अदालतबाट १० लाखको धरोटीमा छुटेका थिए । हाल उक्त मुद्दा पुर्नवेदनमा विचाराधीन छन्।
