तस्विर : नमो अनलाईन
हरिनगर । लागू औषध नियन्त्रण व्यूरो बिराटनगरबाट र ईलाका प्रहरी कार्यालय लौकहीबाट खटिएको संयुत्त प्रहरी टोलीले सुनसरीको कोशी गाउँपालिकाबाट लागु औषधसहित ७ जनालाई पक्राउ गरेको छ ।
बिशेष सूचनाको आधारमा शनिवार बिभिन्न समयमा कोशी गाउँपालिका १ लौकही बजारमा आएका मोटरसाइकल एवम् स्कुटरमा शंका लागी ईलाका प्रहरी कार्यालय लौकही र लागू औषध नियन्त्रण व्यूरो बिराटनगरबाट खटिएको प्रहरी अधिकृतको संयुक्त टोलीले उक्त सवारी रोकी चेक जाँच गर्ने क्रममा लुकाई छिपाई ल्याएको लागू औषध खैरो हेरोइन जस्तो देखिने पदार्थ १६.९३ ग्राम परिमाणमा फेला पारी सवारी चालक सहित सवारी साधनहरु नियन्त्रणमा लिई अनुसन्धान गरी रहेको प्रहरीले जानाएका छन् ।
पक्राउ पर्नेमा सुनसरी स्थित बराक्षेत्र नगरपालिका वडा नं. ९ बस्ने बर्ष ४५ को दिल बहादुर राई, सोही ठाउँ बस्ने बर्ष ४१ को नबिन कोइराला, त्यस्तै बराहक्षेत्र नगरपालिका वडा नं. ३ बस्ने बर्ष ३६ को ओम बहादुर कार्की, ईटहरी उप महानगरपालिका वडा नं. ४ बस्ने बर्ष २२ को शिवनाथ ठाकुर, सोही ठाउ बस्ने बर्ष २४ को रुपेश विश्वकर्मा, उदयपुर स्थित बेलका नगरपालिका वडा नं. ९ बस्ने कनक बहादुर खतिवडा, ईनरुवा नगरपालिका वडा नं. २ बस्ने बर्ष १९ को लकेन्द्र मण्डल रेहेको जिल्ला प्रहरी कार्यालय सुनसरीका सुचना अधिकारी डिएसपी नविण कृष्ण भण्डारीले बताउनु भयो ।
