तस्विर : ब्रहमदेव मेहता/नमो अनलाईन
हरिनगर । सुनसरीको हरिनगर गाउँपालिका स्थित इलाका प्रशासन कार्यालय हरिनगराको नयाँ प्रसासनिक भवनको उद्घाटन गरिएको छ ।
साह जेवी कन्ट्रक्सन प्रालिले भवन निर्माणको काम तोकिएको समयमा नै निर्माण सम्पन्न गरेकाले उद्घाटन गरिएको हो । विस २०७८ जेठ ५ गते भएको सम्झौता अनुसार दुई करोड १३ लाख लागतमा भवन निर्माणको काम २०८० जेठ २ गते सम्पन्न गर्नुपर्नेमा समयमा नै सम्पन्न भएकाले निजामती दिवशको अवसर पारेर शुक्रबार प्रमुख जिल्ला अधिकारी हुमकला पाण्डेले प्रसासनिक भवन उद्घाटन गर्नुभयो ।
इलाका प्रशासन कार्यालय हरिनगरा अहिलेसम्म जिर्ज भवनमा सञ्चालित थियो । संघीय सरकारको शहरी विकासको लागतमा सुविधा सम्पन्न भवन निर्माण भएको छ । भवन निर्माण पश्चात यस क्षेत्रका सर्वसाधारणले पाउने सेवासुविधामा सहज हुने इलाका प्रशासन कार्यालय हरिनगराका प्रमुख सगमलाल चौधरीले जानकारी दिनुभयो ।
कार्यालयले जिल्लाको सीमावर्ती बर्जु, देवानगञ्ज र हरिनगर गाउँपालिका गरि तीन स्थानीय तहका एक लाख २५ हजार जनससंख्यालाई सेवा दिँदै आएको छ । उद्घाटन कार्यक्रमका अध्यक्ष एवम् हरिनगर गाउँपालिकाका अध्यक्ष गफार अंसारीले १९ कोठे सुविधासम्पन्न भवनबाट जनताले सेवा पाउने बताउनुभयो ।
शुक्रबार हरिनगर गाउँपालिका अध्यक्ष हाजी गफार अन्सारीको अध्यक्षता तथा सुनसरीका प्रमुख जिल्ला अधिकारी हुमकला पाणडेले संयुक्त रुपमा ईलाका प्रशासन कार्यलय हरिनगराको नयाँ प्रशासनिक भवनको समुदघाटन गर्नुभएको हो ।
उद्घाटन कार्यक्रममा जग्गादाता राजकुमार मेहताले आफूले दुई करोड ५० लाख रुपियाँ बराबरको तीन कट्ठा जग्गा दान गरेको र भवन निर्माण भई उद्घाटन भएकोमा आफूलाई खुसी लागेको बताउनुभयो ।
उद्घाटन कार्यक्रममा कोशी प्रदेश सभा सदस्य रामप्रसाद मेहता, हाजी इसराईल मंसुरी, सदानन्द मण्डल, बर्जु गाउँपालिका अध्यक्ष जिवछ राय, देवानगञ्ज गाउँपालिकाका अध्यक्ष बेचन प्रसाद मेहता र हरिनगर गाउँपालिकाका अध्यक्ष अंसारी, प्रहरी उपरीक्षक प्रभु प्रसाद ढकाल, बिभिन्न वडाका अध्यक्षहरु लगायत स्थानीयहरुको उपस्थिती रहेको थियो ।
