तस्विर : नमो अनलाईन
इनरुवा । आश्विन कृष्ण पक्षको सप्तमी देखि नवमीसम्म खासगरी नेपालको तराईमा बसोवास गर्ने हिन्दू महिलाहरुले मनाउने महान पर्व ‘जितिया’ पुर्व राष्ट्र सेविका नेपाल इनरुवा नगरपालिका कार्यसमितिले शनिबार सुनसरी जिल्लाको सदरमुकाम इनरुवा स्थित जेलफिल्ड प्राङ्गणमा “जितिया महोत्सव” एक भव्य कार्यक्रमको आयोजना गरि हर्सो उल्लासका साथ मनाएर सम्पन्न भएको छ ।
पाँच हजार भन्दा बढी महिलाहरु सहभागि रहेको उत्त कार्यक्रममा बोल्दै वक्ताहरुले आफ्नो धर्म संस्कृति संरक्षण संवर्धन गर्नुपर्ने मा जोड दिएका थिए। सम्पूर्ण महिला दिदि बहिनि संगठित भई आफ्नो धर्म, संस्कृति, संस्कार संरक्षण गरी नयाँ पुस्तामा हस्तान्तरण गरी समाजलाई सहि दिसमा डोर्याउनु कर्तव्य हामी महिलाको भएको बताएका थिए । उपसना द्वरा आफ्नो धर्म संस्कृतिको संरक्षण गर्दै परिवार, गाउँ, समाज र राष्ट्रमा भएको सन्तानको शुख शान्ति आरोग्यताको कामना गर्दै जितियाको अवसरमा ब्रत तथा उपासना गरी राष्ट्र लाई संगठित गरी सांस्कृतिक मुल्य मान्यतालाई आत्म साथ गर्दै सांस्कृतिक राष्ट्र निर्माण गर्नु पर्ने हाम्रो कर्तव्य भएको बताएका थिए।
त्यस्तै हिन्दू स्वयंसेवक संघ नेपाल, सुनसरी जिल्ला सह संघचालक दिलिपचन्द साहले अहिलेको समाजलाई नारी शक्तिले कुसल नेतृत्व दिन सक्ने समय आएको बताउनु भयो ।
राष्ट्र तथा अन्तरास्ट्रिय स्तरमा महिलाहरुले राष्ट्रको नेतृत्व गरिरहेको छ। यसरी नै आफ्नो धर्म संस्कार संस्कृतिको संरक्षण गर्न महिला आमा दिदि बहिनीहरुले नेतृत्व गर्नुपर्नेमा जोड दिएका थिए । सुशासन युक्त संस्कार सहितको समाज निर्माण गर्नु महिलाहरुको प्रमुख दायित्व रहेको बताएका थिए । अहिले हिन्दू धर्म माथि भईरहेको हमलाको सामना गर्न हमि तयारी अवस्थामा बस्नु पर्ने बताए । आफना छोरी चेलिमा आफनो स्व धर्मको भाव जागृत गरी लवजिहदबाट जोगाउन हाम्रो मुख्य दायित्व भएकोले यस तर्फ महिला दिदी बहिनीहरुलाई आग्रह गरेका थिए ।
उत्त महोत्सवमा मैथली नित्यहरु समेत प्रस्तुत गरेका थिए ।
हिन्दू स्वयंसेवक संघ नेपालको अभिन्न अंगको रुपमा रहेको राष्ट्र सेविका नेपालले व्यक्ति निर्माणको कार्य गर्दै आईरहेको छ । सम्पूर्ण हिन्दू समाजलाई संगठित गरेर संस्कारको विकास गर्ने र संगठित शक्ति द्वारा सेवा कर्य सञ्चालन गरी समाजलाई कुसल नेतृत्व निर्माण गर्ने कार्य गर्दै आई रहेको छ । यसका लागि प्रशिक्षण र जागरणको व्यवस्था गरिएको जनाईएको छ।
