तस्विर : नमो अनलाइन
हरिनगर । सुनसरी स्थित हरिनगर गाउँपालिका वडा नं. ४ हरिनगरा बजारमा टिप्परको ठक्करबाट अन्दाजी ४५ वर्षीय देवानगज गाउँपालिका वडा नम्बर – ७ का झल्लु उराँवको घटना स्थलमै मृत्यु भएको छ।
घुस्कीबाट हरिनगरा बजार तिर सिटिजन बैंकको उत्तरपट्टीको सडक हुँदै गई राखेको को १ ह ६४३१ नम्बरको टिप्परको ठक्करले उँरावको घटनास्थलमै मृत्यू भएको हो।
स्थानीय प्रत्यक्षदर्शीका अनुसार टिप्पर चालकले ठक्कर दिएपछि पुनः घुमाएर उराँवलाई किचेर मारेको आरोप लगाएका छन्।
घटनापछि अहिले हरिनगरा बजार क्षेत्र तनावग्रस्त बनेको छ। भिड नियन्त्रण गर्न ठूलो संख्यामा प्रहरी परिचालन गरिएको छ।
दुई थान आस्रुज्ञास समेत हानिएको जानकारी प्राप्त भएको छ।
घटनामा संलग्न टिप्पर चालकलाई प्रहरीले नियन्त्रणमा लिएर इलाका प्रहरी कार्यालय हरिनगरामा राखिएको छ।
