तस्विर : ब्रहमदेव मेहता/नमो अनलाईन
हरिनगर। कोशी प्रदेश स्थित सुनसरीको हरिनगर गाउँपालिका, गाउँ कार्यपालिकाको १८औं गाउँ सभाको अधिवेशन सम्पन्न भएको छ ।
गाउँपालिकाका अध्यक्ष गफार अन्सारीको सभाअध्यक्षतामा सम्पन्न भएको सो गाउँ सभाको अधिवेशनमा सभा प्रमुख अन्सारीले महालेखा परिक्षक टोली यसै हप्ता गाउँपालिका आउने भएकाले सो अगाबै बेरुजु रकमको रित पुगेका र अब उप्रान्त त्यस प्रकारको गल्ती नहुने आत्मआलोचना सहितको निर्णय गाउँ सभाबाट गरिनु पर्ने भएकाले नेपालको ७५३ स्थानीय निकाय मध्ये हरिनगर गाउँपालिकाले सबै भन्दा पहिले हिउँदे गाउँ सभा गरीएको बताएका थिए।
सो अधिवेशनले वार्षिक बजेटमा परिमार्जन गर्नुका साथै बेरुजु रकम पर्छयौट सम्बन्धि निर्णय पारित गरेको छ । कागज पत्रको अभाव तथा नितिगत रुपमा महालेखा परिक्षकको कार्यालयले ठहर गरेको बेरुजु रकम रु. ८ करोड ७१ लाख बराबरको रकम लेखा समिति हुदै कार्य पालिका बैठकको निर्णय भई गाउँसभाबाट पारित गदै बेरुजु रकम पर्छयौटका लागि महालेखा परिक्षकको आउने टोली मार्फत बेरुजु रकम पर्छयौट गर्नका लागि गाउँपालिकाको गाउँसभाबाट पारित गरिएको पालिकाका प्रमुख प्रशासकीय अधिकृत रोहणी आचार्यले बताउनु भयो।
