०७ जेठ २०८१, सोमबार
20-05-2024 , Mon
×

जनता माध्यमिक विद्यालयमा भव्यताका साथ बालदिवस सम्पन्न

Logo
ब्रहमदेव मेहता प्रकाशित शुक्रबार, भाद्र २९, २०८०

तस्विर : ब्रहमदेव मेहता/नमो अनलाईन

हरिनगर । आज ५९ औँ राष्ट्रिय बाल दिवस देशभर मनाइँदै छ । ‘बालबालिकामा लगानीः सुनिश्चित भविष्यको थालनी’ नाराका साथ राष्ट्रिय बाल दिवस विभिन्न कार्यक्रम गरी मनाई रहेका छन् । सोही अवसरमा सुनसरीको हरिनगर गाउँपालिका वडा नं. – ३ गौतमपुर स्थिति रहेको श्री जनता माध्यमिक विद्यालयले भव्य कार्यक्रमको आयोजना गरी हर्सो उल्लासका साथ बालदिवस मनाएका छन् ।

बाल दिवसको अवसरमा आयोजित उक्त कार्यक्रममा वक्तित्वकला प्रतियोगिताका साथै विभिन्न प्रतियोगितामा सहभागी भएकाहरुलाई पुरस्कार वितरण गर्दै बिद्यालय तथा शिक्षा क्षेत्रको विकासमा विभिन्न व्यक्तित्वहरुले पुर्याएको योगदानको कदर गर्दै सम्मान गरेका थिए ।कार्यक्रममा बिद्यार्थीहरुले बिभिन्न साँस्कृतक तथा आधुनिक गितहरुमा नृत्य प्रस्तुत गरेका थिए ।

कार्यक्रममा बोल्दै प्रमुख अतिथि हरिनगर गाउँपालिकाका अध्यक्ष गफार अंसारीले बालबालिकाको हकहित, अधिकार संरक्षण तथा सवर्द्धनका लागि पालिका सदैव अगाडि रहेको बताएका छन् । बालबालिकामा लगानी गरी विशेष संरक्षणको आवश्यकता भएकाले बालबालिका केन्दित बिभिन्न कार्यक्रमहरु ल्याउने बताउनु भयो । हरिनगर गाउँपालिका भित्र रहेको बिद्यालयहरुको एकरूपता रुपमा विकास हुँदै गरेको अवस्थामा रहेको छ । तसर्थ त्यसको व्यवस्थापन तथा संरक्षणका निमित्त सबैलाई सहयोग गर्न आग्रह समेत गर्नु भयो।

संविधानले बालबालिकाको हकलाई मौलिक हकका रूपमा व्यवस्था गरी बाल बचाउ, बाल संरक्षण, बालविकास र बाल सहभागिताजस्ता विषय समेटी सर्वाङ्गीण विकासको प्रत्याभूत गरेको छ । बालबालिकाको सर्वाङ्गीण विकासमा सबै एकजुट भई उनिहरु भित्र रहेको प्रतिभालाई बाहिर ल्याई त्यसको मुल्यांकन गरी हौसला प्रदान गर्न बालदिवसको अवसरमा भव्य कार्यक्रमको आयोजना गरिएको शिक्षक तथा समाजसेवी अजित मलिक (भानू) ले जानकारी दिनुभयो ।

कार्यक्रममा हरिनगर गाउँपालिका वडा नं. ३ का वडाअध्यक्ष अरबिन्द मेहता, कार्यपालिका सदस्य, शिक्षा शाखा प्रमुख, शिक्षक, बिद्यार्थी, समाजसेवी, बुद्धिजीवि लगायत स्थानीय बासीहरुको उल्लेखनीय उपस्थिति रहेको थियो।

कमेन्ट गर्नुहोस्
सम्बन्धित

बाणगंगा । कपिलवस्तु शिवराज नगरपालिकाका नगर प्रमुख अजय थापा अर्को एक्सनमा उत्रिएका छन् । नगरभित्रका विद्यालयमा अध्यापन गराउने शिक्षक कुनै राजनीतिक दलको सदस्य भएको भए ५ दिन भित्र राजीनामा दिन निर्देशन दिएका नगर प्रमुख थापाले नीजि विद्यालयको मासिक शुल्क नगरले तोक्ने बताइसकेका छन् । साथै एकपटक भर्ना भएर अध्ययन गरिरहेको विद्यार्थीलाई पटक-पटक भर्नाको नाममा शुल्क […]

काठमाडौं । कक्षा १२ परीक्षा आजदेखि देशभर एकैसाथ सुरु हुँदै छ । बिहान ८ बजेदेखि ११ बजेसम्म सञ्चालन हुने परीक्षा वैशाख २६ गते सम्पन्न हुनेछ । परीक्षाको सम्पूर्ण तयारी पूरा भएको राष्ट्रिय परीक्षा बोर्डका अध्यक्ष डा महाश्रम शर्माले जानकारी दिएका छन् । उनले सबै विद्यार्थीहरुलाई निर्धक्क भएर परीक्षामा सहभागी हुन आग्रह गरेका छन् । उनका […]

काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना गर्न र नियमित रूपमा विद्यालय पठाउन आह्वान गरेका छन् । ‘सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता’ भन्ने सङ्कल्पका साथ शैक्षिक सत्र २०८१ को विद्यार्थी भर्ना अभियान शुरु भएसँगै प्रधानमन्त्रीले आह्वान गरेका हुन् । शिक्षा पाउनु हरेक बालबालिकाको संविधानप्रदत्त एवं […]