०७ जेठ २०८१, सोमबार
20-05-2024 , Mon
×

छोराले उपचार नपाएपछि ऋचाको आक्रोश : चिकित्सालय पैसा कमाउने भाँडो

Logo
नमो अनलाईन प्रकाशित शुक्रबार, भाद्र २९, २०८०

काठमाडौं । हक्की स्वभावकी छिन् अभिनेत्री ऋचा शर्मा । मनमा लागेको कुरा भनिहाल्ने उनको बानी छ । आफ्नो सामाजिक सञ्जाल पछिल्लो पोस्टमा ऋचाले नेपालका अस्पताल र स्वास्थ्यकर्मीको व्यवहारप्रति आक्रोश पोखेकी छन् ।

छोरा आभ्यान लडेर टाउकोमा चोट लागेपछि ऋचा चण्डोलको कोपिला क्लिनिकमा पुगेकी थिइन् । त्यहाँका कर्मचारीले गरेको व्यवहारप्रति ऋचा क्रुद्ध बनेकी हुन् । इन्स्टाग्राममा उनले यो अनुभवलाई फ्यानमाझ सेयर गरेकी छन् ।

उनी लेख्छिन्, ‘आज बिहान ११स्३० मा छोरा आभ्यानको प्रि–स्कुलमा मेचबाट लडेर टाउकोमा चोट लागेको र टुटुलको आएको छ भनेर फोन आएपछि म केही मिनेटमै त्यहाँ पुगें । म त्यहाँ पुग्दा छोरा दुखेर रोइरहेको देखेपछि मैले स्कुलको प्रधानाध्यापिकासँग मिलेर त्यहाँबाट मात्र दुई घर पर चन्डोलस्थित कोपिला क्लिनिक लिएर गएँ । त्यहाँ पुग्ने बित्तिकै रिसेप्सनमा मैले इमरजेन्सीमा डाक्टर बोलाइदिनुस् मेरो बच्चालाई चोट लागेको छ भन्दा ‘हुन्छ तर पहिला मेम्बरसिप रजिस्ट्रेसन गराउनुहोस् किनकि यो तपाईंको पहिलो चोटि हो । रेजिस्ट्रेसन शुल्क ४ हजार ८०० र थप डाक्टर जाँच शुल्क’ भन्ने जवाफ पाएँ । मैले ‘म त्यो सब गरुँला पहिला डाक्टर बोलाइदिनुस्’ भन्दा फेरि ‘पहिला रेजिस्ट्रेसन गर्नुस् भन्दा मलाई त्यो व्यवहारदेखि घिन नै लागेर आयो ।’

ऋचा थप लेख्छिन्, ‘मैले मेरो बच्चालाई लिएर तुरुन्त उसलाई देखाइरहेको डाक्टरका लगें । कुरा ४५ सयको थिएन, कुरा एउटा बच्चाको चिकित्सालय जस्तो ठाउँ, त्यो पनि निजी सुविधा विश्वास दिलाउने ठाउँमा चिकित्सालयलाई एउटा बच्चाको स्वास्थ्य भन्दा पैसा कमाउने भाँडो बनाउने दुःखद दुष्प्रयासको थियो । कुरा चोट कत्तिको थियो होइन, कुरा कुनै पनि बिरामीले पाउनुपर्ने आकस्मिक र आपातकालीन अवस्थामा मेडिकल सुविधाको थियो । म बोल्दैछु किनकि कति आमा र बिरामीका परिवारले त कस्तो विपत आइपर्दा पनि बोल्ने ठाउँसम्म पाउँदैनन् । आज एउटा नायिका होइन, एउटा आमाको गुनासो हो र एउटा सचेत नागरिकको ।’

फिल्म ‘फस्ट लभ’बाट नेपाली फिल्ममा डेब्यु गरी ऋचा पछिल्लो समय छोरा आभ्यानलाई हुर्काइरहेकी छन् । उनी छोराको स्याहारसुसारप्रति समर्पित पनि रहेको देखिन्छ । ऋचाको पछिल्लो फिल्म ‘चि मुसी ची’ थियो ।

कमेन्ट गर्नुहोस्
सम्बन्धित

काठमाण्डौं । गीतकार प्रमिला बस्नेतको नयाँ गीत ‘यो जिन्दगीको‘ बजारमा आएको छ । ‘यो जिन्दगीको‘ शिर्षकमा रहेको गीतमा गायिका अन्जु विश्वकर्मा ले स्वर दिएकी छन । सरोज प्याकुरेलको संगीत , फडिन्द्र राईको एरेन्जमा गीतमा निमार्ण गरिएको छ । प्रेमील जोडि विचको भावनात्मक सम्वन्धलाई निकै कलात्मक रुपमा प्रस्तुत गरिएको छ ।आफनो मनको कुरा बुझने मायालाई आफुले […]

तिमीमाथि ठुलो भार छ तिमीसँग दुख अपार छ तर जेसुकै होस ; तिमी चै हाँस्न नछोड है !   तिमीलाई रुवाउन खोज्ने हजार छन् तिम्रो खुसि देख्ने एक आध छन् तर जेसुकै होस ; तिमी चै हाँस्न नछोड है !!   तिमीलाई लडाउन चाहनेको संसार छ तिमीलाई डुबाउन खोज्नेको व्यापार छ तर जेसुकै होस ; […]

काठमाडौं । भारतीय अभिनेत्री राखी सावन्तविरूद्ध मानहानिको निवेदन दर्ता भएको छ। उनीविरूद्ध मुम्बई एनसिबीको पूर्व क्षेत्रीय निर्देशक समीर वानखेन्डेले मानहानिको निवेदन दिएका हुन्। राखीसँगै उनका वकिल काशिफ अली खानविरूद्ध पनि निवेदन दिएका छन्। समीरले राखीविरूद्ध आफ्नो छवि खराब गरेको आरोप लगाएका छन्। उनले यस मुद्दामा ११ लाख भारू क्षतिपूर्ति माग गरेका छन्। भारतीय सञ्चारमाध्यम इन्डियन एक्सप्रेसका अनुसार समीरले […]