१६ जेठ २०८१, बुधबार
29-05-2024 , Wed
×

अमेरिकी राष्ट्रपति बाइडेनविरुद्ध महाअभियोगको आह्वान

Logo
नमो अनलाईन प्रकाशित शुक्रबार, भाद्र २९, २०८०

काठमाडौं । अमेरिकी राष्ट्रपति जो बाइडेनविरुद्ध भ्रष्टाचारको आरोपमा महाअभियोग लगाउन अमेरिकी प्रतिनिधि सभाका सभामुख केभिन म्याकार्थीले आह्वान गरेका छन् ।

मंगलबार प्रतिनिधिसभाको समितिमा सभामुख म्याकार्थीले महाभियोगका लागि औपचारिक अनुसन्धान अगाडि बढाउन आह्वान गरेका हुन् ।

बाइडेन परिवारको विदेशी व्यापारमा सम्झौतामा संलग्नता रहेको आरोप लागेको भए पनि अहिलेसम्म उनको छोराहरुले प्रत्यक्ष लाभ लिएको आरोप प्रमाणित गर्न बाँकी नै छ ।

सदनमा रहेका रिपब्लिकनका प्रतिनिधिले सन् २०२१ मा राष्ट्रपतिको पदभार ग्रहण गर्नु अघिदेखि नै बाइडेनका छोराको व्यापारिक कारोबारको अनुसन्धान गरिरहेका थिए । राष्ट्रपति बाइडेनले शक्तिको दुरुपयोग गरी भ्रष्टाचार गरेकाले थप अनुसन्धान गर्न निर्देशन दिने सभामुख म्याकार्थीको भनाइ छ ।

बाइडेन सन् २०२४ को राष्ट्रपति पदको निर्वाचनका लागि दोस्रोपटक दौडमा छन् । रिपब्लिकन पार्टीले राष्ट्रपति बाइडेनमाथि उक्त मुद्दामा महाअभियोग लगाउन सभामुखले भूमिका नखेले पदबाट हटाउने धम्की दिइरहेका थिए ।

तर ह्वाइट हाउस र डेमोक्रेटिक सांसदहरुले राजनीतिक बदलाको रुपमा महाअभियोगको आह्वान आएको प्रतिक्रिया दिएका छन् ।

ह्वाइट हाउस प्रवक्ता इयान साम्सले सभामुखले महाअभियोगका लागि गरेको आह्वान सबभन्दा खराब र चरम राजनीति प्रतिशोध भएको बताए ।

‘हाउसमा रिपब्लिनहरूले ९ महिनादेखि राष्ट्रपतिमाथि छानबिन गर्दै आएका छन्, तर आरोप पुष्टि गर्ने कुनै प्रमाण फेला पार्न सकेका छैनन् । राजनीतिक प्रतिशोधका कारण महाअभियोगका लागि आह्वान भएको सजिलै बुझ्न सकिन्छ’, ह्वाइट हाउस प्रवक्ता साम्सले सामाजिक सञ्जाल एक्समा प्रतिक्रिया दिएका छन् ।

कमेन्ट गर्नुहोस्
सम्बन्धित

काठमाडौं । छत्तीसगढको राजधानी रायपुरमा सन् २०२० मा कोरोना भाइरसका कारण ज्यान गुमाएका तीन जनाको शवको एक हजार दिनपछि अन्तिम संस्कार गरिएको छ । राजधानीको बाबा साहेब भीमराव अम्बेडकर अस्पतालमा बेवारिसे अवस्थामा यी तीनै शव कंकालमा परिणत भएका थिए । प्रशासनिक अधिकारीहरूका अनुसार गत महिना रायपुरको एउटा अखबारले राज्यको सबैभन्दा ठूलो सरकारी अस्पतालमा हजार दिनभन्दा […]

काठमाडौं–  धनाढ्य एलोन मस्कले युट्युबसँग प्रतिस्पर्धा गर्न अर्को एप लन्च गर्ने भएका छन् । उनले ल्याउने नयाँ एपले युट्युबसँग उद्देश्यले नयाँ एप ल्याउन खोजेको अनुमान गरिएको छ । सो एपको नाम एक्स टीभी रहेको बताइएको छ । एक्स (पहिलेको ट्विटर) का सीईओ लिन्डाका अनुसार छिट्टै सो एप सार्वजनिक गरिँदै छ । उनले गत मंगलबार एप […]

एजेन्सी । शोले फिल्ममा बसन्तीका लागि वीरू पानीको ट्यांकीमा चढेको त सवैलाई यादै होला। तर, भारतको गोरखपुरमा ‘बसन्ती’ आफ्नो ‘वीरू’ का लागि बिजुलीको खम्वामा चढेकी छिन्। ती वसन्ती एक्लै होईन, विवाहित महिला र ३ छोराछोरीकी आमा हुन। उनले आफुसँगै आफनो प्रेमीलाई पनि सँगै राख्न पतिसँग सर्त राखेकी थिईन। तर, पतिले उनको प्रश्ताव अस्विकार गरेपछि उनी विजुलीको […]