तस्विर : ब्रहमदेव मेहता/नमो अनलाईन
देवानगञ्ज । सुनसरी प्रहरीले देवानगञ्ज गाउँपालिका वडा नं. ३ र ४ बाट भन्सार छली ल्याएको ३७ बोरा अवैध प्याज प्रहरीले नियंत्रणमा लिएको छ ।
विशेष सुचनाको आधारमा जिल्ला प्रहरी कार्यालय सुनसरी र ईलाका प्रहरी कार्यलय देवानगञ्जको संयुक्त प्रहरी टोलीले भारतबाट भन्सार छली चोरी पैठारी गरि ल्याई लुकाई छिपाई राखेको प्याज नियंत्रणमा लिएको ईलाका प्रहरी कार्यालय देवानगञ्जले जनाएको छ ।
बरामद गरिएको प्याजको १ लाख ११ हजार मूल्यांकन गरी आवश्यक कार्वाहीको लागि भन्सार कार्यालय भन्टाबारी पठाइएको प्रवक्ता प्रहरी नायव उपरीक्षक नविन कृष्ण भण्डारीले जानकारी दिनुभयो।
