०३ आषाढ २०८१, आइतबार
16-06-2024 , Sun
×

सांसद भगबती चाैधरीकाे माग : इजरायलबाट नेपाली विद्यार्थी र नागरिककाे तत्काल उद्दार गरियोस्

Logo
ब्रहमदेव मेहता प्रकाशित सोमबार, आश्विन २२, २०८०

बिराटनगर । इजरायलबाट नेपाली विद्यार्थी तथा नागरिककाे तत्काल उद्दार गर्न सांसद भगबती चाैधरीले सरकार समक्ष माग गरेकी छन्र । प्यालेस्टाइनको इस्लामिस्ट समूह हमासले इजरायलमाथि गरेको आक्रमणमा परी १० जना नेपालीहरूको मृत्यु भइसकेकाे अवस्थामा इजरायलमा बंकरभित्र ज्यान जाेगाएर बसिरहेका नेपाली विद्यार्थी र नागरिककाे जीवन रक्षाका लागि कुनै पहल नगरेकाेमा आश्चर्य ब्यक्त गर्दै प्रतिनिधि सभा सदस्य चाैधरीले तत्काल उच्चस्तरीय कुटनीतिक पहल गरी उद्दार गर्न माग गरेकी हुन् ।

साेमबार सामाजिक सञ्जालमा लेख्दै चाैधरीले ३ दिन देखि इजरायलका बंकरहरूमा ज्यान जाेगाउन संघर्षरत नेपालीकाे उद्दारका लागि राज्यले कुनै पहल गर्न नसक्नु दुखःद भएकाे पनि जनाएकी छन् । ‘नागरिक संकटमा परेको बेला त्यसमाथि विदेशमा रहेका नागरिकमाथि कुनैपनि संकट आइपर्दा राज्यले काँध थाप्नुपर्नेमा बर्तमान गठबन्धन सरकार मुकदर्शक बनिरहेको छ ।’ सांसद चाैधरीले भनेकी छन् ।

संसदमा परराष्ट्र मन्त्री एनपी साउदले हमासको आक्रमणमा नेपाली नागरिक हताहत भएको जानकारी गराएपनि नेपाली नागरिकको स्वास्थ्य उपचार र उद्दारका लागि कुनै ठोस पहल गरेको जानकारी दिन नसकेकाे उल्लेख गर्दै चाैधरीले विदेशमा रहेका नेपालीले पठाएको रेमिट्यान्सबाट तलब खाने राज्य संयन्त्र उनीहरु विपतमा परेको बेला मुकदर्शक बन्न नमिल्ने जिकीर गरेकी छन् ।

 

‘विदेशमा रहेका नेपालीले पठाएको रेमिट्यान्सबाट तलब खाने राज्य संयन्त्र उनीहरु विपतमा परेको बेला मुकदर्शक बन्न कदापि मिल्दैन । यदी राज्य छ भने तत्काल उच्चस्तरीय कुटनीतिक पहल गरी इजरायलमा रहेका नागरिकको तत्काल उद्दार गरोस् ।’ उनले घाइतेको सिघ्र उपचारका लागि पहल गर्न पनि माग गरेकी छन् ।

इजरायलमा कृषि सम्बन्धी अध्ययनका लागि गएका सुदूरपश्चिम विश्वविद्यालय कृषि विज्ञान संकायका ३९ जना विद्यार्थी मध्ये १० जनाकाे मृत्यु भइसकेकाे छ । आक्रमणमा कति नेपाली हताहत भए अहिलेसम्म सरकारले यकिन तथ्यांक दिन सकेकाे छैन । प्रधानमन्त्रीले आज अपरान्ह ४ बजे मन्त्री परिषद् बैठक र त्यसपछि सर्वदलीय बैठक बाेलाएका छन् ।

कमेन्ट गर्नुहोस्
सम्बन्धित

काठमाडौं । १ बैशाख २०८१ को मिति । नयाँ वर्षको दिन । घरमा माहोल रमाइलो थियो । एकाबिहानै ३२ वर्षीय रोशन सिंह (नाम परिवर्तन) को ह्वाट्सएपमा आफ्नै बहिनीको नग्न फोटो तथा भिडिओ आयो । रोशन आफ्नो फोन घरमै छोडेर नियमित काममा गएका थिए । उक्त फोनमा परिवारका अन्य सदस्यको पनि पहुँच थियो । रोशन पेसाले […]

इनरुवा । सुनसरीको भाेक्राहा नरसिंह गाउँपालिकामा प्रथम महिला खाे-खाे प्रतियोगिता हुने भएको छ । भाेक्राहा नरसिंह गाउँपालिका चिराैली सुनसरीको सहयोग तथा प्रदेश स्तरीय खाे-खाे खेलकुद उपभोक्ता समितिको आयोजना र जिल्ला खाे-खाे संघ सुनसरीको सहकार्यमा उपाध्यक्ष प्रथम महिला आमन्त्रण राष्ट्रिय खाे-खाे प्रतियोगिता आयाेजना हुने भएको हाे । प्रतियोगिता जेठ २९ गतेदेखि ३१ गते सम्म संचालन हुने […]

झापा  । कोशी प्रदेश स्थित बी एन्ड सी मेडिकल कलेजले अन्ततः सम्बन्धन पाउने भएको छ । सर्वोच्च अदालतले बिहीबार चिकित्सा शिक्षा आयोग र काठमाडौं विश्वविद्यालयको नाममा परमादेश जारी गरेसँगै सम्बन्धन पाउने भएको हो । न्यायाधीशद्वय डा. कुमार चुँडाल र सारंगा सुवेदीको संयुक्त इजलासले १५ दिनभित्र सम्बन्धन दिन परमादेश जारी गरेका हुन् । सर्वोच्चले यसअघि १२ चैत, २०८० मा […]