१२ बैशाख २०८१, बुधबार
24-04-2024 , Wed
×

प्यासन छैन भने ‘चिकित्सा र पत्रकारिता क्षेत्रमा नआउनुहोस् : उपप्रधानमन्त्री श्रेष्ठ

Logo
नमो अनलाईन प्रकाशित बिहिबार, आश्विन २५, २०८०

तस्विर : फाईल

बिराटनगर । उपप्रधानमन्त्री तथा गृहमन्त्री नारायणकाजी श्रेष्ठले प्यासन नभएको व्यक्ति सञ्चार क्षेत्रमा नआउन आग्रह गरेका छन् । राजनीतिक दलका नेताहरूमा जस्तै मिडियाले पनि आत्मालोचना गर्नुपर्ने भन्दै उनले प्यासन नभएका पत्रकारले देश र समाज बर्बाद बनाउनेतर्फ सचेत गराए ।

 

नेपाल अमेरिका पत्रकार संघ (नेजा) र नेपाल पत्रकार महासङ्घले बिहीबार काठमाडौँमा गरेको कार्यक्रममा नेपालको मौलिक विविधता, राष्ट्रिय स्वाधीनताको रक्षा गर्न मिडियाले ठुलो भूमिका खेल्नुपर्ने बताए । उनले राजनीतिमा जस्तै चिकित्सा क्षेत्र र पत्रकारिता क्षेत्र गम्भीर हुनुपर्नेमा जोड दिए ।

 

‘चिकित्सा र पत्रकारिता क्षेत्रमा प्यासन छैन भने यो क्षेत्रमा नआउनोस् । देश र समाजलाई नकारात्मक बर्बाद बनाउन सक्ने क्षेत्र चिकित्सक र मिडिया क्षेत्र हुन् । प्यासन छैन । श्रीमान् श्रीमती घुम्न जान मन लागेको होला । आफ्नो विशेष समय उपभोग गरिराखेका होलान् । घण्टी आउँछ । बिरामीलाई आपत परको हुन्छ । तुरुन्त उठेर जानुपर्छ । रिस उठेर भयो ? मरे न मरोस् भन्न भयो ? नैतिक जिम्मेवारी हो नि । प्यासन छैन भने किन आउने मेडिकल क्षेत्रमा’, उनले भने, ‘त्यस्तै पत्रकारिता क्षेत्रमा लेख्दिऊँ भनेर काम छैन नि । देश त बिग्रियो नि । मानिसको परिवार ध्वस्त पारिदिने । इज्जतमाथि खेलबाड गरिदिने । राष्ट्रिय एकतालाई कमजोर बनाइदिने । सामाजिक एकतालाई कमजोर बनाइदिने । आवश्यकताको विरुद्ध दुष्प्रचार गर्ने कार्य भयो भने समाज राष्ट्रको अर्थतन्त्र बर्बाद हुन्छ ।’

 

उनले गृहमा भन्दा वास्तवमा मिडियासँग महाडन्डा रहेको जिकिर गरे । पत्रकारिता गलत दिशातिर गयो भने देश बर्बाद हुने उनको भनाइ छ ।

 

‘प्यासन नभएको व्यक्ति पत्रकारितामा आउनु राजनीतिले जस्तै बर्बाद गर्छ । पत्रकारिता क्षेत्र सबैभन्दा बढी अध्ययन गर्नुपर्ने, सबैभन्दा बढी खट्नुपर्ने पेसा हो । पत्रकार बन्दिउँ भनेर हुँदैन । अलिकति इन्ट्रिग्रेटि र प्यासन भएको व्यक्ति पत्रकारितामा आउन म विशेष अपिल गर्छु’, उनले भने ।

यस्तै मन्त्री श्रेष्ठले विगतको तुलनामा पछिल्लो पत्रकारिता खस्किँदै गएकोमा चिन्ता गरे । उनले पत्रकारहरूको चरित्रबारे टिप्पणी गर्दै उनले भने– ‘बैठकबाट निस्कियो, फोन आउँछ । बैठकमा के निर्णय भयो ? प्रधानमन्त्रीले के भन्नुभयो ? तपाईँले के भन्नुभयो प्रश्न आउँछ । को बोलेको पनि थाहा छैन । कस्तो पत्रकारिता भित्र्याएछौँ जस्तो पीडा हुन्छ । यसरी त भएनन् नि । मिडियामा आत्म समीक्षा जरुरी छ ।’

नेपालको पत्रकारिता वरिपरिका देशहरूको हैसियतभन्दा माथि रहेको उनले दाबी गरे ।

कमेन्ट गर्नुहोस्
सम्बन्धित

इलाम । इलाम क्षेत्र २ मा आउँदो १५ गते उपनिर्वाचन हुँदैछ । निर्वाचनको साताअघि इलाम सदरमुकामको चोकबजारमा बिहीबार ‘नो भोट’ भन्दै सयौंको भिडमा कार्यक्रम चलिरहेको छ । अभियानमा सहभागी हुन झापातिरबाट दर्जनौं सवारी साधनमा हुलका हुल मानिस आएका छन् । र, उनीहरूले भारतीय नम्बरका सवारी साधन ल्याएका छन् । उनीहरूले ल्याएका भारतीय सवारीमा नेपालको राष्टिूय झन्डा […]

बुटवल । लुम्बिनी प्रदेश सरकारमा नेकपा एकीकृत समाजवादी पनि सहभागी भएको छ । मुख्यमन्त्री जोखबहादुर महराले समाजवादीकी सांसद भगवती अधिकारीलाई बिहीवारनै मन्त्री नियुक्त गरेका हुन् । उनलाई अहिले कुनै मन्त्रालयको जिम्मेवारी दिइएको छैन । अधिकारी रुपन्देहीकी हुन् । यसअघि उने आजै नेकपा एमालेबाट ५, माओवादी केन्द्रबाट १, जनता समाजवादी पार्टी ९जसपा०, स्वतन्त्र, नागरिक उन्मुक्ति पार्टी […]

विराटनगर । निर्माण सुरु भएको वर्षौं बितिसक्दा पनि मोरङ जिल्लाका ५ वटा स्थानीय पालिका जोडिने हाटखोला–रङ्गेली हुलाकी सडक नबनेपछि यहाँका स्थानीय आन्दोलनमा उत्रिएका छन् । उक्त सडक निर्माण कार्यमा ढिलासुस्ती भएको भन्दै नेपाली काङ्ग्रेस कटहरी गाउँपालिकाको अगुवाइमा स्थानीयले एक घण्टा सडक अवरुद्ध गरेर आन्दोलनमा उत्रिएका हुन् । उनीहरू बिहीबार साढे ९ देखि साढे १० बजेसम्म सडकमा […]