तस्विर : ब्रहमदेव मेहता/नमो अनलाईन
देवानगञ्ज । सुनसरीको सिमावर्ती क्षेत्र देवानगञ्ज गाउँपालिकाको मुटु मानिने देवानगञ्ज बजार स्थित रहेक श्री श्री १०८ श्री काली मन्दिरबाट काली पुजा, शुभ दिपावली तथा लक्ष्मी पुजाको अवसरमा बिभिन्न झाँकीं सहित यही कार्तिक २३ गते बिहिबारका दिन बिहान ६ बजे भव्य कलश यात्रा निकालिने भएको छ ।
बिगतको भन्दा फरक तरिकाले अघोरी नाच, बिर बजरंगी हनुमान रुप प्रदर्शन, भगवान् शिवको रौद्र रुप प्रदर्शन, राधाकृष्ण झाँकी, श्री गणेश जीको रुप प्रदर्शन सहित भव्य कलश यात्रा निकालिन लागिएको कलश यात्रा समितिका अध्यक्ष संजय साहले बताउनु भयो ।
स्थानिय युवाहरुको सक्रियतामा एक हजार भन्दा बढीको सहभागीमा निकालिन लागिएको कलश यात्रा निकै भव्य, आकर्षक र नौलो हुने कलश यात्रा समितिका सचिव गोपाल गुप्ताले जानकारी गराउनु भयो ।
