१६ जेठ २०८१, बुधबार
29-05-2024 , Wed
×

सिमावर्ती क्षेत्र देवानगञ्जमा मिटरब्याजको धन्धा गर्ने भगत दम्पतीको दोहोरो नागरिकता !

Logo
नमो अनलाईन प्रकाशित आइतबार, बैशाख ३१, २०८०

Pic by Annapurna post

देवानगञ्ज । सुनसरीको देवानगञ्ज गाउँपालिका ३ मिटरब्याजी अजय भगत र उनका श्रीमती खुश्वु भगतको भारतीय आधार कार्ड र नेपाली नागरिकताको कागजात फेला परेको छ ।

लामो समयदेखि सिमा वर्ती क्षेत्रमा मिटरब्याजको धन्धा चलाउँदै आएका भगत दम्पती दुई देशको नागरिक रहेको पाइएको हो ।

भगतले विहारको विद्यानसभा निर्वाचन नियमावली ४६ नरपतगंज ५ सोनापुर अररिया जिल्लाबाट सबै कागजात बनाएका छन् । उनले सोही ठेगाना उल्लेख गरेर चालक अनुमतिपत्र समेत बनाएका छन् ।

चारजना दाजु भाइमध्ये एकजना अनिल भगत देवानगञ गाउँपालिका वडा नम्बर ३ का वडा अध्यक्ष हुन् । स्थानीयले अनिल भगत पहिलो पटक वडा अध्यक्षमा विजय भएपछि भारत गएर भारतीय नागरिकता रद्द गरेएको बताए पनि वडाध्यक्ष भगतले आफ्नो न रहेको बताएका छन् ।

अन्य दाजुभाइ र श्रीमतीको भारतीय नागरिकता यथावत राखिएको छ । उनले धितोवापत श्रीमतीको नाममा पास गरेको जग्गा आफू खुशी बेच्ने गरेको स्थानीयले बताएका छन्।

उनले सन् २०१३ जुलाई महिनाको ४ तारिकमा डीएल बीआर ३८२०१३००१९१०७ नम्बरको चालक अनुमति पत्र समेत लिएका छन् । उनको विहारको मतदाता संख्या २ सय ३१ रहेको भेटिएको छ ।

सन् २०३० डेसेम्बरसम्मको चालक अनुमति पत्रमा मिति उल्लेख गराएको छ । उनको नेपाली मतदाता संख्या १५२४५७६९ रहेको छ । देवानगंज ३ स्थित रहेको कृष्ण मा. वि. शंकरपुर मतदान केन्द्रमा भएको मतदाता नामावलीमा उल्लेख गरिएको छ ।

उनको पत्नीको समेत दोहोरो नागरिकता रहेको छ । भगतले धितोवापत जग्गा पास गराउँदा पत्नीको नाममा जग्गा पास गराउँदै सावाँ ब्याज बुझाए पनि घितोवापत राखिने जग्गा अरुलाई बेच्ने गरेको पाइएको छ ।

भारतीय मतदाता नियमावलीमा खुश्वुको मतदाता पसिरचयपत्र २ सय ३३ रहेको छ । बुवाको नाममा श्रीमान अजयको नाम उल्लेख गरेकी छिन् ।

अजयले नेपाल र भारत दुवै देश नागरिकता र मतदाता नामावलीमा बुवाको नाममा रामेश्वर भगत नै उल्लेख गरेका छन् । भारतीय स्कार्पीयो चढ्ने भगतले नेपालमा अनुचित रुपमा मिटरब्याजको धन्धाबाट असुली गरेको रकम भारतमा जम्मा गर्ने गरेको पाइएको छ ।

यसअघि उनीमाथि साथीको छोरालाई विदेश पठाउन साहुबाट लिएको ऋणले गर्दा देवानगञ्ज गाउँपालिकाकै एक किसान बेघर बनाएको भन्दै उजुरी जिल्ला प्रशासनमा परेको छ ।

स्थानीय आधा दर्जन परिवारलाई भगतले अनुचित ब्याज जोडेर सावसहित ब्याज लिएपनि घितो वापत राखिएको जग्गा बेचिएको आरोप छ ।

सुनसरीको देवानगंज गाउँपालिका १ का जुगानन्द मेहता गाउँकै साथीको छोरालाई विदेश पठाउन मेहताले खुस्बु देवी भगतको नाममा ९ कठ्ठा ३ धुर जग्गा घितोमा राखेर २ लाख ७५ हजार ऋण लिएका थिए ।

विस २०७१ सालमा मेहता रु ५ रुपैयाँका व्याजदरले भगतसँग लिएको ऋणको सबै सावाँ र ब्याज गरेर सबै रकम २०७४ सालमा नै चुक्ता गरेपनि साहु भगतले जग्गा फिर्ता नगरि बेचेकाले घरवारविहीन बनाएका छन् ।

मिटरब्याजी अजय भगतले पैसा बुझाएपछि पटकपटक जग्गा फिर्ता गर्न आग्रह गरे पनि आलटाल गर्दै २०७८ साल माघ ५ गते दुई किता बनाएर १० लाख ५० हजारमा बेचेको थियो ।

दोहोरो नागरिकता विषयमा अजयसँग सम्पर्क गर्न खोज्दा आफू फोन नउठाइ भाइ विजयलाई बोल्न लगाएका थिए । विजयले अजय भारत गएको जानकारी दिए ।

कमेन्ट गर्नुहोस्
सम्बन्धित

काठमाडौं । सरकारले भूकम्पपछिको पुनर्निर्माणका लागि २१ अर्ब ६० करोड बजेट विनियोजन गरेको छ। आगामी आवको बजेट प्रस्तुत गर्दै अर्थमन्त्री वर्षमान पुनले जाजरकोट, डोटी र बझाङ केन्द्रविन्दु भएर गएका भूकम्पपछिको पुनर्निर्माणलाई प्राथमिकतामा राखिएको बताए। पुनर्निर्माणका लागि एकीकृत तथ्यांक संकलन गरिनेछ। विपत् प्राधिकरणको तथ्यांकअनुसार १५ जिल्लामा निजी आवाससँगै सरकारी भवन पुनर्निर्माण गर्नुपर्नेछ।

काठमाडौं । सरकारले विदेशी पर्यटकलाई नेपालमा विवाह गर्न प्रोत्साहन गर्ने भएको छ । संघीय संसदमा आगामी आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले उक्त घोषणा गरेका हुन् । जनकपुरलाई वेडिङ र लुम्बिीनीलाई बर्थिङ हबका रुपमा विकास गरिने कार्यक्रम बजेटमा समावेश गरिएको अर्थमन्त्रीले बताए ।

कुनै पनि शुभ कार्य गर्दा सवैभन्दा पहिले भगवान गणेको पूजा गरिन्छ । मंगलाचरणको शुरुवात नै श्री गणेशाय नमः बाट शुरु हुन्छ । भगवान गणेशको पूजा गर्नाले सुख शान्ति र समृद्धि छाउने विश्वास गरिन्छ । धन तथा बैभवको हिसावमा मंगलबार शुभ मानिन्छ । मंगलबार व्रत बसेर पूजा आराधाना गर्नाले मनोकामना पूरा हुने विश्वास गरिन्छ । सुख, […]