१२ बैशाख २०८१, बुधबार
24-04-2024 , Wed
×

युनिलिभरले बोलायो साधारणसभा,सेयरधनीले प्रतिकित्ता १५८० रुपैयाँ लाभांश पाउने

Logo
नमो अनलाईन प्रकाशित मंगलबार, मंसिर ०५, २०८०

तस्विर : फाईल

काठमाडौं । युनिलिभर नेपालले आगामी मंसिर २६ गतेका लागि वार्षिक साधारणसभा बोलाएको छ ।

एक सार्वजनिक सूचना जारी गर्दै कम्पनीले दिउँसो साढे ४ बजे होटल याक एण्ड यतीमा साधारणसभा आह्वान गरेको हो ।

साधारणसभाले सेयरधनीका लागि प्रतिकित्ता १५८० रुपैयाँ नगद लाभांश पारित गर्नेछ ।

कम्पनीले घोषणा गरेको यो लाभांश हालसम्मकै उच्च हो । गत आर्थिक वर्ष २०७९/८० मा प्रतिकित्ता १२५० रुपैयाँ लाभांश दिएको कम्पनीले अघिल्लो वर्ष २०७८/७९ मा प्रतिकित्ता ६५० रुपैयाँ लाभांश दिएको थियो ।

साधारणसभाको सिलसिलामा कम्पनीले सेयरलगत किताब मंसिर १२ गतेदेखि २६ गतेसम्म बन्द रहने जनाएको छ । यसको अर्थ अघिल्लो दिन मंसिर ११ गतेसम्म कायम सेयरधनीले मात्रै घोषित प्रतिकित्ता १५८० रुपैयाँ लाभांश पाउने छन् र साधारणसभामा भाग लिन सक्नेछन् ।

सेयर बजारमा युनिलिभर सबैभन्दा महँगो कम्पनी हो । सोमबार बजार बन्द हुँदा कम्पनीको मूल्य प्रतिकित्ता ३९ हजार ४ सय रुपैयाँ छ । कारोबार भइहरँदा सो दिन कम्पनीको मूल्य प्रतिकित्ता ४१ हजार रुपैयाँसम्म पुगेको थियो ।

कमेन्ट गर्नुहोस्
सम्बन्धित

काठमाडौं । चालु आर्थिक वर्षको १० महिनामा नेपालको वैदेशिक व्यापार घाटा १० खर्ब ५३ अर्ब ४२ करोड रुपैयाँ बढेको भएको भन्सार विभागले जनाएको छ । साउनदेखि चैत मसान्तसम्मको विवरणअनुसार १२ खर्ब ८१ अर्ब ३१ करोड रुपैयाँ बराबरको व्यापारमा १० खर्ब बढीको व्यापार घाटा भएको हो । विभागको तथ्यांकअनुसार १० महिनाको बीचमा सबैभन्दा बढी व्यापार घाटा भारतसँगको […]

काठमाडौं । क्लासिक भ्यु रिसोर्ट लिमिटेडले आईपीओ निष्काशनको गर्ने भएको छ । कम्पनीले जारी पुँजीको १४ प्रतिशत अर्थात १०० अंकित दरका १० लाख ५० हजार कित्ता आईपीओ निष्काशन गर्ने तयारी गरेको हो । कम्पनीको आईपीओ निष्काशन तथा बिक्री प्रबन्धकमा एनआईसी एशिया क्यापिटल लिमिटेड नियुक्त भएको छ । क्लासिक भ्यू रिसोर्ट बुढानिलकण्ठ, काठमाडौंमा अवस्थित १९ रोपनीको […]

विराटनगर । विश्व स्मार्टफोन बजारमा एप्पललाई उछिन्दै सामसुङ स्माटफोन सेल्समा अगाडि आएको छ । सन् २०२४ को पहिलो त्रैमासमा आईफोनलाई उछिन्दै सामसुङ पहिलो स्थानमा आएको हो । डेटा रिसर्च कम्पनी ‘आईडीसी’ का अनुसार सन् २०२४ को पहिलो त्रैमासमा विश्व बजारमा सामसुङ ढुवानी २०.८ प्रतिशतसहित पहिलो स्थानमा रहेको छ । तर  एप्पलको बजार हिस्सा १७.३ प्रतिशतमा खुम्चिएको छ […]